-Almmuhus-
-Almmuhus-
SMÁVVAOĐĐASATGuovžža, gumppe, geatkki ja albasa dilli Norggas 

Guovžža, gumppe, geatkki ja albasa dilli Norggas 

-

-

Rovdata jahkásaš reivves Birasdirektoráhttii dieđiha mo dilli lea Norgga njealji stuorámus boraspirres albasis, geatkkis, guovžžas ja gumppes.  

Jahkásaš DNA-iskosiid čoaggin miehtá Norgga čájehii ahte 2021:s ledje 160 guovžža Norggas, logi eanet go 2020:s dahje seamma olu go 2010:s.

– Oktiibuot leat identifiseren 160 guovžža mii lea guovžžaid unnimuslohku mat ledje Norgga rájá siskkobealde 2021:s. Ledje 67 easteguovžža (njiŋŋalas) ja 93 eanaguovžža (varris). Nu go árabut dán jagi, de leat eanemus guovžžat Romssa ja Finnmárkku fylkkas (68), Trøndelágas (25) , muitala Rovdata jođiheaddji Jonas Kindberg.

Son lohká leat hui dehálažžan lea diehtit man galle easteguovžža leat riikkas, go daid registrerejuvvon lohku lea dehálaš go meroštallet man galle guovžačivgama lea dan jagi. 

– Meroštallamiid mielde leamaš gaskal njeallje ja golbmanuppelohkái čivgama, jáhkkimis gávcci čivgama diibmá. Navdimis leamaš 2,9 čivgama 8. boraspireguovllus (Romsa ja Finnmárku), 1,6 čivgama 6. guovllus (Møre ja Romsdal ja Trøndelága), ja 3,6 čivgama 5. guovllus (Hedemárkkus), lohká Kindberg.

60 geatkečivgama

Stáhta Luonddubearráigeahčču registrere jahkásaččat geatkebiejuid miehtá Norgga ja iská leat go geatkečivggat oahpes ja ođđa biejuin. Jahkásaš geatkebiejuregistreremis duođastuvvui ahte leamaš 60 geatkečivgama. 2021:s ledje eambbo go dat 39 jahkásaš geatkečivgama maid Stuorradiggi lea mearridan. Geatkečivganlohku  lea bisson oalle dássidin maŋimuš jagiid.

– Čájehuvvo ahte leamaš  62, 63 ja 60 geatkečivgama maŋimuš golmma jagis. Geatkečivgamiid vuođul meroštallan leat dál 386 geatkki, lohká Kindberg.

Gávcci gumpečivgama

Maŋimuš dálvvi duođaštuvvui ahte leat 12 Norggas dahje Ruoŧas-Norggas gumpečivgama Norggas. Lea seamma go diibmá, muhto Norgga bealde lea lohku njiedjan njealji čivgamii ja rádjaguovlluin lea lassánan gávcci čivgamii. Stuorradiggi lea mearridan ahte eai galgga eambbo go 4-6 gumpečivgama jahkásaččat Norggas ja rádjaguovlluin. Leamaš unnimus golbma čivgama Norggas. Rádjaguovlluid čivgamat rehkenastojuvvojit 0,5 faktoriin.

– Diibmá ledje gávcci gumpečivgama Norggas, mii lea eambbo go Stuorradiggi lea mearridan, lohká Kindberg.

Oktiibuot lea čájehuvvon ahte leat 125-129 gumppe Norggas ja rádjaguovllus vákšunáigodagas. Diibmá ledje 109-114 gumppe. Norgga bealde ledje 51-52 gumppe ja 74-77 gumppe johte guktuid beale riikkarájá. 31 gumppe báhččojuvvojedje lobálaččat, guokte vuojáhalle johtolagas vakšunáigodagas. Oktiibuot lea 92-96 gumppe Norggas dahje belohahkii Norgga bealde go geassá eret jápmán gumppiid.

67 albbasbearraša

Dan sivas go  jahkásaš stáhtusraporta almmuhuvvo geassemánu vuosttaš beaivvi, de raportere Rovdata ovddit dálvvi albbasdili Birasdirektoráhttii. Albbasbearrašis lea njiŋŋelas albbas mas lea okta dahje eanet mannan jagi čivgga fárus. Ovddit dálvve ledje 67 albbasbearraša Norgga, seamma go dan ovddit jagi. Stuorradiggi lea mearridan ahte sáhttet leat 65 albbasbearraša Norggas. 

– Leamaš máŋga jagi go riikaviidosaš albbasnállemihttomearri leamaš eambbo go maŋimuš guokte jagi. Albbasbearraša logu mielde meroštallat ahte dál leat 395 albasa Norggas, lohká Kindberg.

-Almmuhus-