Abonnemeantaeavttut

Abonnemeantaeavttut Komplett
Abonnemeanttain beassá geahččat buot sisdoalu digitálalaččat (PC, mobiila ja dihtordulbboš) E-aviissain ja mediaviesu Pluss-buktaga. Dasa lassin buktojuvvo báberveršuvdna registrerejuvvon čujuhussii almmuhanbeivviid.

Sáhtát sirdit abonnemeantta ođđa fásta čujuhussii dahje luopmočujuhussii. Muhtun sáddemiid ovddas gaskaboddosaš čujuhusaide sáhttá šaddat máksit lasi porto. Gaskaboddosaš bisseheapmi ii krediterejuvvo.

Jus aviisa ii boađe, de ii leat aviissa buhttenovddasvástádus eanet go dat submi maid leat máksán dan áigodaga ovddas go aviisa ii leat boahtán.

Abonnemeantaeavttut Digitála
Abonnemeanttain beassá geahččat buot sisdoalu digitálalaččat (PC, mobiila ja dihtordulbboš) E-aviissain ja Ávvira Pluss-buktaga.

Abonnemeantaeavttut Bearašabonnemeanta
Sáhtát juogadit iežat abonnemeantta golmmain bearašlahtuin geat orrot seamma viesus go don. Juohke geavaheaddjis ferte leat sierra persovnnalaš sisačáliheapmi. Boasttugeavaheami dihte sáhttet okta dahje eanet geavaheaddjit massit beassama.

Oppalaš eavttut
Abonnemeanta máksojuvvo ovdagihtii ja bistá dassážii go celkojuvvo eret. Go cealká eret, de bistá olggos dan áigodaga man ovddas lea máksán, muhto ii ođastuvvo šat. Kampánjadiŋgoma oktavuođas rievdaduvvo abonnemeanta dábálaš abonnemeantan go kampánjaáigodat nohká.

Abonnemeantta sáhttá cealkit eret vaikko goas, muhto eretcealkima maid sádde e-boastta bokte ferte sáddet unnimusat guokte doaibmabeaivvi ovdal ođasmahttindáhtona. Min Side-siiddu ja telefovnna bokte sáhttá celkit eret gitta ođasteami rádjái.

Digitála veršuvnnaide beassan/digitála beassamat leat čadnojuvvon du persovnnalaš abonnementii. Digitála hámiid maŋŋonemiid ja doaibmanváttisvuođaid ovddas ii oaččo buhtadusa. Ii leat lohpi juogadit abonnemeantta ii ge beassansáni earáiguin earret go bearašabonnemeantta juogadeami bokte.

Abonneanttat fertejit sihkkarastit ahte aviissas čađaáiggi leat rievttes oktavuođadieđut.

Jus it leat máksán abonnemeantta ovddas govttolaš áigái máksináigemeari maŋŋel, de ii sáddejuvvo dutnje aviisa ja/dahje digitála beassan bissehuvvo ja dutnje sáddejuvvo rehket supmi ovddas mii ii leat mákson.

Báberrehkega ovddas boahtá vel rehketdivat. Rehketdivat jávká go máksá AvtaleGiroin/eFakturain/koarttain.

Ođasreive lea oassi abonnemeanttas, ja dat sáddejuvvo e-boastta, sms, push-dieđuid dahje Ávvira iežas kanálaid bokte.

Gustovaš abonnemeantabuktagiid ja hattiid gávnnat mediaviesu neahttasiidduin. Ođđa hattit ja buvttarievdadeamit almmuhuvvojit mediaviesu neahttasiidduin. Aviissa doalaha maid rievtti ahte vaikko goas rievdadit hatti manni abonnemeanttas. Jus du manni abonnemeanta bistá dakkár áigodagas mas lea silke ođđa ja boares haddi, de dat lea spesifiserejuvvon du rehkegis.

Visot almmuhuvvon hattit gusket sáddemiidda Norgga siste ja dain leat lassedivatmávssut mielde. Norgga olggobeallai leat sierra eavttut.

Máŋgen: Buot artihkkalat, govat, grafihkat ja nu ain leat čájeheami/lohkama váras. Eará geavaheapmi ja ovdanbuktin go persovnnalaš geavaheapmi gáibida čálalaš šiehtadusa aviissain. Doaimmat eai oaččo čálihit ávdnasiid doaimma bargiide eai ge kommersiála geavaheapmái. Čujuhuvvo vuoigatvuođaláhkii.

Eavttut go oastá abonnemeantta digitála lávddiin
Min neahttagávppis lea 18-jagi ahkemearri gávppašit.

Gávppi sáhttá gáhtat 14 beaivvi siste. Váldde oktavuođa aviissa kunddarbálvalusain jus leat jearaldagat gávppi gáhtama birra. Gáhtanáigelága mielde ii leat gáhtanriekti digitála bálvalusaid oastimis dan rájes go mieleavttus váldá bálvalusa atnui.

Abonementsvilkår på norsk, klikk her