Birasgáhttendirektoráhtta lea bidjan eari man galle albasa lea lohpi báhčit boraspireguovllus 8, Romssas.
Oktiibuot lea lohpi báhčit vihtta albasa, muhto dušše guokte rávis albasa, ja earis lea maid dušše okta ciikoalbbas, čállá birasgáhttendirektoráhtta iežas mearrádusas.
Dáppe lea lohpi bivdit
Earri guoská Romssa B-guvlui mas leat čuovvovaš gielddat: Ráisa, Olmmáivággi, Omasvuotna, Romsa, Ivgu ja Báhccavuotna.
Bivdu álgá guovvamánu 1. beaivvi, ja njukčamánu 1. beaivvi rájes ráhppo maid albbasbivdu Siellakvuonas ja Orjješ-Ráissas. Orjješ-Ráissas ja Siellakvuonas sáhttet guokte albasa báhčit.
Albbasbivdu bistá njukčamánu 31. beaivvi rádjai.
