Vuossárgga rájes váldojuvvo PCR-iskkusduođaštus doavtterstašuvnnas Kárášjogas.
PCR-iskosat váldojuvvojit vuossárggas bearjadahkii tiibmu 15.30-16.00 Kárášjoga gielddas.
– Čuojat beare doavtterstašuvdnii tlf. 784 86 500, ja de gárttat buohccedivššára vuorrolistui. Sáhtát maid tiŋgot Helserespons appa bokte.Doavtterstašuvnna buohccedivššár riŋge de dutnje beaivvi mielde, dieđiha Kárášjoga gielda.
Iskkusstašuvdna heaittihuvvon
Kárášjogas lea iskkusstašuvdna heaittihuvvon. Njoammunsuddjendoaimmaid maŋimuš rievdadusaid 12.02.22 rájes de lea maid gieldda njoammuguorran heaittihuvvon.
Gielda almmatge bivdá olbmuid geaidda dávda lea njommon iskat iežaset njoammuguorranprográmmas. – Dan lea dehálaš danne vai oainnášeimmet njoammundili gielddas,čállá Kárášjoga gielda.