Covid-19 ii šat gohčoduvvo almmolaš váralaš njoammudávdan, ja koronanjuolggadusat leat dál fámuhuvvon.
– Dát lea mearkabeaivi. Mii doarjut Dearvvašvuođadirektoráhta ja Álbmotdearvvašvuođainstituhta oainnu ahte covid-19 ii šat deavdde njoammuneastadanlága eavttuid gohčoduvvot váralaš njoammudávdan, dadjá dearvvašvuođa- ja fuolahusministtar Ingvild Kjerkol (Bb) preassadieđáhusas iežas departemeanttas.
Nu gohčoduvvon koronanjuolggadus, mii dohkkehuvvui njukčamánu 27. beaivvi 2020, heaittihuvvo dál.
Covid-19 šaddá dál seamma kategoriijan go influeansa ja RS-virus dan dáfus ahte pasieanttat fertejit dál máksit iežasmávssu go ožžot doavtterkonsultašuvnna virusa dihte, ja ahte vuoigatvuohta nuvttá dikšumii gahččá eret. Dálkkas Paxlovid dattetge šaddá nuvttá 2025 rádjai.
(©NTB)