Álbmotdearvvašvuođainstituhtta bivdá buohcciviesuid ja gielddaid ráhkkanit dasa ahte eambbosat sisačálihuvvojit buohcciviesuide
– Vurdo ahte lassána ain boahttevaš vahkuid. Danin lea hoahppu boahkuhit boarrásiid ja riskavuloš olbmuid, čállá FHI vahkuid 43 ja 44 raporttaid čoahkkáigeasus.
Buohcciviesut ja gielddat fertejit ráhkkanit dasa ahte eambbosat sisačálihuvvojit buohcciviesuide covid-19 dihte, čuožžu viidáseappot.
– Influensaepidemiija ii leat gal vuos álgán, muhto dat dáidá boahtit ovdal juovllaid. Danin lea maid áigi boahkuhit vuorrasiid, riskajoavkkuid ja dearvvašvuođabargoveaga influeanssa vuostá, čállá FHI.
