-Almmuhus-
SMÁVVAOĐĐASATOhcet astro­nauttaid

Ohcet astro­nauttaid

Journalista

-

-

Eurohpá ávusmátkeorganisašuvnnas háliida ahte Norgga stáhtaborgárat ozašedje astronautavirgái. Dál ávžžuha ealáhusministtar Iselin Nybø ohcat dasa, sihke Norgga albmáid ja nissoniid. 

Ohcanáigemearri ohcat  ESA (European Space Agency ESA) boahttevaš astronautavirgái lea geassemánu 18. beaivvi. Ealáhusministtar ávžžuha  nissoniid ja albmáid Norggas ohcat virgái, eandalii sin geain leat rivttes attáldagat ja geain lea teknihkalaš oahppu.

– Norgga allateknologiija loktii min máilmmi buoremus offshore-našuvnna dássái. Norgga teknologiijain beassat maid lávket ávusnašuvnna dássái. Min teknologiija leamaš juo gomuvuođas ja dainna vehkiin leat dehálaš barggut čađahuvvon Mars planehtas. Livčče hirbmat somá jus min riikka olbmot livčče mielde, lohká Nybø. 

Gii sáhttá ohcat?

* Buot European Space Agency (ESA) miellahttoriikkaid stáhtaborgárat sáhttet ohcat astrunautabargui, ja Norga lea okta dain 22 miellahttoriikkain.

* Son guhte háliida bargat Eurohpá astronautan, sus ferte leat masterdási oahppu dahje oahppu universitehtas dahje suodjalusas. Eurohpá ovddeš astronauttat leamašan earret eará dutkit, doaktárat, inšenevrrat, fysihkkárat ja geahččalanpilohtat. Ođđa astronauttas ferte leat oahppu medisiinnas, teknologiija- dahje reálafágas.

Ođđa videos, mii lea ráđđehusa instagram-kontos, čilge Iselin Nybø makkár attáldagat leat dehálaččat Norgga vuosttaš ESA-astronautii.

-Almmuhus-