Eai goassege ovdal leat nu olu oahppit čađahan olles joatkkaskuvlla oahppu. Seammás eai leat šat nu olu nuorat joatkkaskuvlla oahpu haga. – Lea erenoamáš dehálaš nuoraid vejolašvuođaide, lohká máhttoministtar Tonje Brenna.
81 proseantta oahppiin, geat álge joatkkaskuvlii 2016:s, leat čađahan oahppo- dahje fidnofágagelbbolašvuođa guđa jagis, čájehit Oahpahusdirektoráhta logut. Lea 0,6 proseantačuoggá lassáneapmi ovddit skuvlaluohká ektui.
– Lea hirbmat buorre go nu olu nuorat gerget joatkkaskuvllas ja ožžot fárrui fágareivve dahje oahppoduođaštusa. Dat lea erenoamáš dehálaš nuoraide go dat addá vejolašvuođaid boahtteáiggis. Seammás nanne servodaga go nu olusat čađahit oahpu, lohká Tonje Brenna preassadieđáhusas.
Sogn ja Fjordade fylkkas čađahedje 85 proseantta oahppiin joatkkaskuvlla ja Finnmárkkus 71 proseantta. Finnmárkkus lea buorránan dilli 2006 rájes go dál lea lohku lassánan 19 proseantačuoggáin.
