Oahppit Romssas ja Akershusas givssiduvvojit eanemus, čájehit Ohppiidiskkadeami 2023 logut.
Golmma jagis lea oassi joatkkaskuvlaohppiin, geat leat dieđihan ahte givssiduvvojit, lassánan 3,3 proseanttas 6,1 prosentii, čállá Gielddalaš raporta.
Guorahallan čájeha ahte dilli lea vearrámus Romssa fylkkas. Doppe leat 7,6 proseantta ohppiin joatkkaskuvllas dieđihan ahte givssiduvvojit.
– Vuosttažettiin mun jurddašan ahte mis lea bargu maid fertet čađahit. Mis leat dál doaibmabijut givssideami vuostá, muhto dat eai oro leamen áibbas ávkkálaččat, dadjá Romssa fylkkasuohkana gelbbolašvuođa váldolávdegotti jođiheaddji, Cecilie Mathisen (O).
Iskkadeapmi čájeha maid ahte Akershusas leat eanemus oahpaheaddjit mat givssidit. Akershusas vástidedje 4 proseantta ohppiin ahte ollesolmmoš lea givssidan sin skuvllas. Finnmárku leat unnimus, 1,3 proseanttain.
(©NTB)
