Ráđđehus dieđiha dál šaddá álkit nuoraide oažžut oahpahallieari guolástusealáhusas.
– Ráđđehus háliida addit eanet nuoraide vejolašvuođa beassat bargagoahtit guolástusealáhusas. Danin leat mii rievdadan oahpahallieari ortnega nu ahte eanet nuorat ožžot vejolašvuođa oažžut oahpahallieari, lohká guolástus- ja mearraministtar Bjørnar Skjæran.
Báhcán olggobeallái man nu sivas
Dálá vuogádaga mielde báhcet oahpahallit geat eai čuovo dábálaš oahpahusráiddu guolásteamis ja bivddus, olggobeallái oahpahalliearreortnega. Go dát earreortnet árvvoštallui 2021:s, de dieđihedje olu gulahallanásahusat ahte eavttut oažžut oahpahallieari ledje menddo garrasat. Evttohuvvon erohus duste maid dáid kandidáhtaid mat livčče báhcán olggobeallái, nu ahte ortnet rahppojuvvo sidjiide geain lea dohkkehuvvon oahpahallisoahpamuš guolástus- ja bivdofágas, nu ahte sidjiide maiddái sáhttá juolluduvvot oahpahalliearri.
Seamma vejolašvuođat
Guolástus- ja mearraministtar Bjørnar Skjæran lohká sii leat guldalan maid gulahallanásahusat leat dadjan.
– Mii addit dál nuoraide geat leat válljen molssaevttolaš oahpaheami seamma vejolašvuođaid go nuorat geat leat válljen árbevirolaš oahpaheami luondduávkkástallamis dahje bivddus ja guolásteamis, lohká Skjæran.
Vejolaš muddemat
Njuolggadusat oahpahalliide leat rievdan mealgat dan rájes go dat ásahuvvui 2014:s. Ealáhus- ja guolástusdepartemeanta dáhttu danin Guolástusdirektoráhta dárkkistit oahpahallieriid njuolggadusaid geahččan dihtii lea go dárbu daid muddet dahje ođasmahttit.
