Ođđa jagi rájes gáržžiduvvo dorskebivdu Nuortamearas garrasit, dieđiha Ruoŧa eanadoaloministtar Sven-Erik Bucht.
Ođđa jagi rájes gáržžiduvvo dorskebivdu Nuortamearas garrasit, dieđiha Ruoŧa eanadoaloministtar Sven-Erik Bucht.
Nuortameara dorskenáli gádjun dihtii, de lea Ruoŧŧa ásahan ođđa njuolggadusaid lustabivdiide, čállá sverigesradio.se.
Vihtta dorski jándoris
Juohke olmmoš oažžu dušše vihtta dorski goddit jándoris ja gođđanáigge dušše golbma.
Oarjjabeale dorskenálli lea eanemus áitojuvvon ja dan guovllus geahpedit eiseválddit ámmátguolásteddjiid dorskeeari beliin.
Ruoŧa eanadoaloministtar Sven-Erik Bucht čilge sis lea bággu dan dahkat jus dorskenálli dán guovllus galgá seailut.
Son čilge Ruoŧŧa lea ráđđádallan garrasit Luxemburgain oažžut buot riikkaid, main lea gáddi Mearrabađaluovttas, geahpedit guolásteami 56 proseanttain, erenoamážit Tuiskkas ja Danmárkkus.
