Distateahkeda rájes eai jáhkkán šat gávdnat olbmo dearvan maŋŋel go gahčai merrii Láhpi olggobealde. Dál ohcet heavvanan olbmo.
11 áigge beaivet distaga dat álggahedje stuora ohcanbarggu gávdnat olbmo mearas maŋŋel go gahčai guollefatnasis merrii. Muhto eahkes ovdalaš diibmu 20, de heaittihedje dan ohcama, ja ohcan rievddai heavvanan olbmo ohcamin. Dan barggu jođihit dál politiijat, muitalit Váldogádjunguovddážis (HRS).
Banaka ja Romssa gádjunhelikopterat ja Ávanuori ja Skiervvá gádjunfatnasat ledje mielde ohcamis, ja maiddái báikkálaš guolástanfatnasis leat ohcan veahkkin. Gádjunbarggu jođiheaddji Tomas Ringen muitalii VG aviisii ahte ledje guokte olbmo dan fatnasis, ja dat nubbi dat dieđihii dan birra Váldogádjunguovddážii.
Fanas gullá Bådåddjoi, muitalit gádjunguovddážis NRK:i.
