-Almmuhus-
OĐĐASATUiT:s lea sierra vahkku sohka­beal­diđolaš­vuođa birra

UiT:s lea sierra vahkku sohka­beal­diđolaš­vuođa birra

Journalista

-

-

UiT Norgga árktalaš universitehta čalmmustahttá riikkaidgaskasaš nissonbeaivvi olles vahku doaluiguin  feminismma, sohkabealmáŋggabealatvuođa, mánáid oažžuma, sexologija, homofiillaid historjjá ja olu eará birra. 

UiT čalmmustahttá riikkaidgaskasaš nissonbeaivvi, njukčamánu 8. beaivvi, doaluiguin Álttás, Hársttáin ja Narviikkas. Kjønnsbevisstheitsveka dahje sohkabealdiđolašvuođavahku goavddi vuollái lea UiT nisson- ja sohkabealdutkanguovddáš čohkken olu áššáigullevaš doaluid mat lágiduvvojit olles logát vahkku. Leat logaldallamat, seminárat, digaštallamat, panelahálešteamit, filmmat, girjealmmuheamit, čájáhusat ja konsearttat.

Ovdamearkka dihtii lágiduvvo filosofalaš filbmaeahket Verdensteateris filmmain «Bias» man bokte filbmadahkki Robin Hauser hástala min ovdagáttuid, Tromsø akademiske kvinnekor (TAKK) doallá konsearttaid, Várggáid museas almmuhuvvo girji «Steilneset minnested og kvinnedrap», debáhtta intersekšunalitehta konseaptta birra mii guoská dasa mo sohkabealli, čearddalašvuohta, čearda, osku, sosiála seahtu, masa mii geasuhuvvot seksuálalaččat ja mo doaibmanávccat sáhttet ovttasbargat ja váikkuhit olbmuid eallimii- ja eallineavttuide. 

Olles dán logát vahku lea Polarmuseas, UiT Norgga árktalaš universitehtamuseas, čájáhus maid gohčodit PO, man namma lea Polarhistoriie på skeiva dahje Polára bonju historjá. Loga eambbo dás.

-Almmuhus-