Skábma

Skábmačuovggat čuvgejit seavdnjadasa. Skábma lea dego ámadaju muohtu, nuppe beali muohtu lea fas gaskaijabeaivváš. Veaiggodettiin alihastte rievddalmasat, ritnevuovddit čuvgejit ja buolaš ruošká mánoheahpin. Čuovga vuoitá seavdnjadasas ivnniiguin.

Násteálbmi lea skábmaija čábbámus go násttit šealggáhallet, ravkkáhallet ja čájehit geainnu. Guovssahas almmiravddas buktá earenomáš dovddu ja vásáhusa libardemiin ja čuvgemiin. Rievddalmas ivnnit almmiravddas geasuhit eanaspáppa čalmmiid viidát.

Easka rávisolmmožin lean álgán geahččat almmiguvlui seavdnjadin, mánnán gal ballen ráimmahallat. Doivon ahte guovssahasas lea buoidebihttá njálmmis ja jiehkku bađas, muhto go dál geahčan de oainnán beaivvážamánáid čábbodaga.

Čállán: Marit Anna H. Klemetsen

Háliidat go don maid searvat gilvui mas sáhtát vuoitit iPada?

Lohkal njuolggadusaid dáppe ja čális don ge!