Dál lea vejolaš guldalit Sollaug Sárgona diktačoakkaldagaid, go dat leat dál ráhkaduvvon E-girjin.
Sárgon debuterii diktačállin 2010:s diktačoakkáldagainis «Savvon bálgáid luottastit», mii maid nominerejuvvui Davviriikkaid Ráđi girjjálašvuođabálkkašupmái 2013:s ja lea dál fidnemis e-girjin.
2017:s almmuhuvvui diktagirji «Ii čága čihkosii», jagi 2019 ilmmai diktagirji «Duđa eallimii» ja jagi 2020 almmuhuvvui fas «Morihit giđđii», čállá Iđut lágádus preassadieđáhusas.