Norgga girku fállá dál vejolašvuođa čuovvut rihppaskuvlla oahpahusa neahta bokte ja lea buorre fálaldat daid searvegottiide geat eai leat sáhttán čađahit oahpahusa áigumuša mielde.
Norgga girku dieđiha preassadieđáhusa bokte ahte Girkoráđđi dál lea šiehtan Sjømannskirkenin dahje mearraalbmáidkirkuin mii lea ráhkadan dán fálaldaga, ahte searvegottit sáhttet dán vuogi geavahit.
Soahpamuša bokte ožžot searvegottit geavahit dán oahpahusa, nettkonfirmant.no, gitta čakčamánu vuosttaš beaivái vuoliduvvon haddái.
– Mii giitit mearraalbmákirku go nu jođánit mieđihedje min veahkehit ja doaivut dát sáhtášii addit buori konfirmántaoahpahusa dán erenoamáš áiggis, lohká Girkoráđi direktevra Ingrid Vad Nilsen.
Mearraalbmákirku neahttakonfirmántta -administrator Knut Erik Skarpaas, lohká dát soaitá leat buorre čoavddus searvegottiide ja seammás besset eanet olbmot oahpásmuvvat sin oahpahusvuohkái.
Lea Sjømannskirken mii lea buvttadan Nettkonfirmant.no konfirmántaoahpahusa norgalaš konfirmánttaide geat leat olgoriikkas.
