Skilleduorastagas nuppi beassášbeaivái leat Norgga girkuin badjel 3000 ipmilbálvalusa.
– Dál lea jaskes vahkku, ja girkuin miehtá Norgga ávvudit beassážiid. Skilleduorastagas nuppi beassášbeaivái leat badjel 3000 ipmilbálvalusas Norgga Girku girkuin.
– Beassážat eai leat dušše beassáškrim ja Kvikk Lunsj, lohká Norgga girkoráđi jođiheaddji Kristin Gunleiksrud preassadieđus.
– Biibbalhistorjjá beassážiid birra beasat gullat girkus du lahkosis. Máilmmi dilli sevnnjodahtte veaháš dán jagi beassášávvudemiid, lohká Gunleiksrud ja jearrá: – Sáhttit go sávvat «buriid beassážiid» guhtet guoibmámet go máilmmis lea soahti ja olbmot gillájit.
Biibbalhistorjá beassážiid birra lea maid eallima ja jápmima birra.
– Dat lea dan birra ahte jápmin ja seavdnjadas ii oaččo maŋemus sáni. Dat lea dan birra ahte ráhkisvuohta lea stuorát go jápmin. Beassášidja vuoitá seavdnjadasa badjel ja eallin jápmima badjel. Danne sáhttit sávvet «buriid beassážiid» dán jagi maid, lohká Gunleiksrud.
