Badjel 350 buollinstašuvnna miehtá Norgga bovdejit rabas buollinstašuvdnii jahkásaš buollinvahkku oktavuođas.
Juohke jagi, 38. vahkkus, lágidit buollinstašuvnnat miehtá Norgga rabas beaivvi buollinvahkku oktavuođas. Áigi ii leat soaittáhagas – čakča čalmmustahttá ahte leat manname dakkár áigái jagis go viessobuollimat dábálaččat lassánit go eambbo elrávdnji adno ja mii boaldit eambbo gintaliid.
Buollinsuodjalusvahkku lea Buollinsuodjaluslihtu, Servodatsihkarvuođa- ja gearggusvuođadirektoráhta (DSB) ja dáhkádusfitnodaga If ovttasbargu.
Dán jagi buollinvahkku váldofokusis leat jierpmálaš láddenvuogit ja oppalaš buollinsihkarvuohta ruovttus. Rabas buollinstašuvnnas besset nuoramusat oahppat buollinsihkarvuođa birra.