Olgoriikkadepartemeanta lea čavgen mátkerávvagiid mii guoská Iranii, ja ávžžuha buot norgalaččaid guođđit riika.
Dan eahpesihkkaris sihkarvuođadili dihte mii lea čuožžilan Iranas maŋemuš áiggi, de lea Norgga olgoriikkadepartemeanta sádden ođđa čavgejuvvon mátkeráđiid mii guoská Iranii. Ovdalaččas lea departemeantta ávžžuhus leamašan ahte olbmot eai galgá vuolggit Iranii, dál lea dilli vearránan ja riska konfliktii Irana ja Israela gaskka lea sturron.
– Dál lea ain vejolašvuohta guođđit Irana, mii ávžžuhat norgalaččaid geavahit dán vejolašvuođa. Jus sihkarvuođadilli vearrána, de soaitá šaddat váddásat, čállá olgoriikkadepartemeanta preassadieđáhusastis.
Ávžžuhus guođđit Irana
Olgoriikkadepartemeanta ii ávžžut olbmuid vuolgit Iranii, ja ávžžuha sin geat leat Iranas guođđit riikka. Gáldu: Olgoriikkadepartemeanta.
