203 olbmo dan logus leat dahkan dan Romssas ja Finnmárkkus mannan jagi.
Miehta Norgga leat 91 proseantta olbmuin čađahan bures stáhtaborgárgeahččaleami. Romssas ja Finnmárkkus leat 87 proseantta olbmuin dahkan dan.
– Das rájes gs Stáhtaborgárgeahččaleapmi ásahuvvui 2017:s, mii oaidnit kandidáhtaid mearri geat cevzet lassána. Dat lea positiiva mearka mii čájeha ahte sii lea oahppan dárogiela ja háhkan máhtolašvuođa Norgga servodaga birra, dadjá Alitoahppo- ja gelbbolašvuođadirektoráhta direktevra Sveinung Skule preassadieđu bokte.
Direktoráhtta almmuhii loguid árabut dán vahku, cuoŋománu 7. beaivvi.
Stáhtaborgárgeahččaleapmi lea máhttogeahččaleapmi mii lea lea oassin Oahppoplánas olgoriikka rávisolbmuidoahpahusas. Geahččaleamis leat 32 gažaldaga. Galget vástidit 24 gažaldaga riekta vai cevzet.
Dát geahččaleapmi lea bákkolaš olgoriikalaččaide agis 18–67 geat háliidit ohcat beassat Norgga stáhtaborgárin.
