Oulu politiijat dáhttot cavgilemiid Kaarlo Uotila birra, son galgá maŋimuš leat oidnon Kárášjogas gos navdo verrošan.
Oulu politiijat dáhttot cavgilemiid Kaarlo Uotila birra, son galgá maŋimuš leat oidnon Kárášjogas gos navdo verrošan.
Oulu bolesat ohcet Kaarlo Uotila ja maŋimuš cavgileami leat sii ožžon Kárášjogas, gos son galgá leat vearredaguid bargan.
Vearrodaguin galledan
Dán duođaštit Oulu poliisilaitos bealis gaska suomas ja lohket sin cavgileami hui luohtehahttin.
– Son lei ikte Kárášjogas ja lea luohtehahtti dieđut su birra. Son lea oasálastán vearredahkui, duođaštit Oulu bolesat Ávvirii.
Sii eai goittot háliit muitalit makkár vearrodagu birra lea sáhka, eaige dieđe leago ášši váidon báikkálaš politiijaide.
– Mii eat háliit vuos nu čiekŋalit muitalit, makkár vearrodagus lea sáhka. Min dieđuid mielde galgá ášši leat váidon báikkálaš politiijaide, muhto in leat áibbas sihkar. Muhto leat ávžžuhan ášši gillájeaddji váidit ášši politiijaide ja lea sin bargu kommenteret vearredagu ektui, deattuha bolesbálvá.
Háliidit cavgilemiid
Oulu bolesat eai loga sis njuolggo ovttasbarggu vel Kárášjoga politiijain, muhto árvvoštallet bivdit veahkki.
– Mis ii leat vuos njuolggo ovttasbargu Norgga politiijain, muhto gulahallan eiseválddiin lea. Muhto mii árvvoštallat bivdit veahkki Kárášjoga politiijain gittaváldimis, dadjá Oulu bolesbálvá.
Viidáset muitalit Oulut bolesat ahte almmái lea áššáskuhtton máŋgga láhkarihkkumis ja danin háliidit cavgilemiid albmá birra.
– Min dieđuid mielde galgá dát almmái oasálasttán ovdalge vearredaguide Norgga bealde, navdá son.
Njalaha olbmuid
Oulu bolesat sáhttet dan mađe muitalit, ahte Kaarlo Uotila leat ohcamin dan vuođul, go galgá leat verrošan opmodagain ja njalahan olbmuid opmodaga.
Son johtá čáhppes 1997 málle Audi A4 biillain, mas lea dovdomearka HOL-936.
Facebookas oidnojit muhtimat juohkán gova Kaarlo Uotilas, mas čállet ahte almmái galgá leat oidnon Kárášjogas. Kárášjoga leansmánnekantuvrras eai loga diehtit dán áššis maidege.
– Muhto dien gal áiggun iskat, logai politiijabálvá Arvid Næss ovdal gaskabeaivvi bearjadaga.
Bivdet cavgilemiid
Oulu poliislaitos bivdá buot cavgilemiid albmá ja su biilla birra:
Cavgilan telefuvdna: +358 408 720 652.
Suoma politiijat eai navdde Uotila leat varalažžan.
