Olu eanemus vuvdon el-biillat leat dušše dohkehuvvon fievrredit geahppa gálvvu. – Dat máksá ahte vaikko lea sadji biillas, de ii leat olus gálvu maid bearaš sáhttá váldit mielde lupmui, lohká NAF gulahallanseniorneavvu Nils Sødal.
– Man olu gálvvu biillain sáhttá fievrredit, ii leat vuosttaš maid biilaoasti jearrá. Dan leat mii iskan ja čájehuvvo ahte olu el-biillat eai sáhte olus guorpmi fievrredit. Čájehuvvo ahte vaikko lea sadji biilla maŋŋegeaži guorbmelanjas, de ii sáhte dan deavdit, lohká Nils Sødal preassadieđáhusas.
Norgga Automobiilla Lihttu (NAF) rávve gaskamearálaš 4-olbmo bearraša oastit biilla mii sáhttá unnimusat fievrredit 480 kilo guorpmi. Gálvoguorbmi lea olbmot biillas, gálvu ja buot eará nu go rohpeboksa, goallosjorrifaggi, panorámarohpi, maiddái sullii 20 kilo bággoguorbmi nu go gummeránut, mánástuollu ja nu ain.
– Biillavuovdit fertejit muitalit olbmuide galle kilo gálvvu sáhttá váldit mielde. Dán dieđu ii leat álki gávdnat. Mii ávkkiid lea ahte maŋŋegeažis lea sadji go dohko ii sáhte olus bidjat, lohká Sødal.
Sáhttá váidot jus vuodjá lobihemiid
Ii leat lohpi vuodjit stuorát gurpmiin go maid biila gierdá. Dábálaš njuolggadusat persovdnabiillaide lea ahte jus dus leš gitta 500 kilo eanet deaddu, de fertet guođđit gálvvu dasa ovdalgo beasat viidásabbot vuodjit, ja jus guorbmi lea losit go 500 kilo, de sáhtát don váidot politiijai.
– Jus lea eambbo deaddu, biila ja guorbmi, go biila gierdá, de váikkuha dat biilla goazaniidda ja vuodjimii ja dat váikkuha johtolatsihkkarvuhtii. Jus vásihat lihkohisvuođa ja dutkan čájeha du biillas lea menddo lossa guorbmi, de váikkuha dat du dáhkádussii, lohká Sødal ja dat váikkuha maid dáhkáduseavttuide.
Olbmuid gaskamearálaš deaddu: Eadni 71,6 kilo ja áhčči 86,6 kilo, 7 jagi mánná 28 kilo ja 11 jagi mánná 48 kilo. Njealje jagi maŋŋá deddet mánát 40 ja 60 kilo. Ii leat olus maid bearaš sáhttá váldit fárrui.
Dát biillat eai sáhte 480 kilo fievrredit: Tesla Model 3 Long Range AWD: 313 kilo, Hyundai IONIQ5: 365 kilo, Hyundai IONIQ 6 Long Range AWD: 350 kilo, Subaru Solterra: 365 kilo, Volkswagen ID.4 Pro: 370 kilo, MG ZS EV: 375 kilo, Polestar 2 Standard Range Single Motor: 375 kilo, Volvo C40: 375 kilo, Tesla Model Y Standard Range: 387 kilo, Kia EV6 GT Line AWD: 392 kilo, MG Marvel R 4WD: 378 kilo.
