Badjel 9000 fuođđu vuojahalle biillaide mannan dálvvi. – Dál buolašta ja fuođđut johtigohtet eambbo. Erenoamážit doaresbealguovlluid olbmot ballet vuodjit fuođđuid ala, lohká NAF neavvu.
Oktiibuot 72 proseantta olbmuin geat ásset doaresbealde ballet ahte fuođđut leat geainnu alde go bohte vuoji, čájeha Norges Automobil Forbund (NAF) 2023 johtolatbaromehter. Ja dál lea riska vuodjit fuođđuid njeaiga áigeguovdil. Stáhta geaidnodoaimmahat lea maŋimuš beivviid muittuhun ahte dál fuođđut lihkadit miehtá riikka. Mannan dálvvi vuojahalle 9000 bohcconálli fuođđut.
– Erenoamážit dálvet lea stuorra riskka ahte fuođđut leat geainnu alde. Buolašin johtet fuođđut eanet ja sálti geainnuid alde sáhttá daid geasuhit, lohká NAF neavvu Jan Harry Svendsen preassadieđáhusas.
Stáhta geaidnodoaimmahat lea galben olu báikkiid fuođđovárohusgalbbaiguin. Svendsen rávve olbmuid geahpedit leavttu go bohtet dakkár guvlui gos fuođđut dávjá rasttildit geainnu. NAF rávve maid olbmuid unnidit čuovgga šearpmain mat leat ođđaáigásaš biillain vai oidnet buorebut, erenoamážit ihkku ja iđitčuovganeamis.
– Geahča guktui beale geaidnoravdda. Jus unnidat leavttu logi kilomehteriin, de sáhtát maid unnidit lihkohisvára, lohká son.
Jus lea lihkohisvuohta
Jus leat nu lihkoheapme ahte vuoját fuođđu ala, merkes báikki ja dieđit Politiijai telefuvdnanummira 02800 bokte. Merke báikki bures, ale čuovo vuddjon ealli maŋis. Bisset biilla gokko it leat johtolaga ovddas. Geavat šelgonliivva. Jus biillain it sáhte vuodjit, de lea hirbmat dehálaš merket báikki várrehusgolmmačiegagiin.
