-Almmuhus-
SMÁVVAOĐĐASATDárkkistan 67 guorbme­biilla

Dárkkistan 67 guorbme­biilla

Journalista

-

-

Stáhta luoddadoaimmahat lea čađahan dárkkistemiid Geađgeluobbala bokte, Guovdageainnu suohkanis.

Dárkkistemiin mat čađahuvvo cuoŋománu 3. ja 4. beaivvi fuomášedje boasttuvuođaid. 

Ovttas lei vuollel 5 millimehtera minsttarčikŋodat deahkas, vuoddji sáhkkohalai. Guovttis gohččojuvvuiga mannat biillaiguin divohahkii divuheapmái ja dárkkisteapmái, okta oaččui geavahangildosa go gálvvut eai lean riekta sihkkarastojuvvon. Ovttas ledje billahuvvan gálvosihkkarastin ávdnasat, ja okta oaččui sáhku go ii čuvvon vuodjin- ja vuoiŋŋastannjuolggadusaid. 

– Mii bargat čađat vai buoridivččiimet johtolatsihkarvuođa buohkaide johtolagas, ja mis lea nullavišuvdna garrasit roasmmahuvvamiid ja jápminlihkohisvuođaid ektui. Buohkat geat vánddardit Norgga luottaid mielde galget dovdat iežaset oadjebassan, čállá Stáhta luoddadoaimmahat preassadieđáhusas. 

 

-Almmuhus-