Stipeanda juhkkojuvvui fas Johkamohki márkaniid oktavuođas.
Duojár Niila Omma oaččui 40 000 ruvdnosaš Sápmi Art stipeandda Johkamohkis márkanlávvordaga. Sápmi Art lea juhkkojuvvon jahkásaččat 2018 rájes. Sihke duojárat, artisttat ja dáiddárat sáhttet ohcat oažžut Sápmi Art stipeandda.
Omma dajai dat mearkkaša olu sutnje:
– Mearkkaša hui olu. Áiggun oastit ođđa mašiinnaid ja dat boahtá mearkkašit olu munnje, dajai Omma Sámerádioi.
Maiddái Tilde-Ristin Kuoljok, Laila Labba, Maj-Doris Rimpi ja Ingá Máiiá Blind ožžo 15 000 ruvdnosaš Sápmi Art stipeandda.
