Norgga ráđđehus dieđiha preassadieđáhusas ahte Norga rahpá ráji Norrbottenii lávvordaga go korona njoammunlogut leat njiedjan leanas. Dál olbmot eai dárbbaš šat erremii go bohtet Norrbottenis.
Lea Álbmotdervvašvuođainstituhtta mii árvvoštallá njoammundili riikkain ja regiovnnain.
Norrbottena šaddá fiskadin lávvordatija borgemánu 22. beaivvi, dieđiha Norgga ráđđehus. Dohko sáhttá mátkkoštit iige dárbbaš erremii maŋŋel go olle ruoktot.
Norga lea ovdal maid rahpan Västerbotten, Södermanland ja Kalmar lenii Ruoŧas.
Regiovnnain lea unnit koronanjoammun go 20 njoammuma juohke 100 000 ássi nammii guovtti vahkus.
Sáhttá rievdat
Muhto njoammundilálašvuohta sáhttá rievdat, ja buohkat geat jurddašit mátkkoštit olgoriikii, fertejit iskat mot dilli lea riikkas, čállá Norgga ráđđehus.
Muhton riikkat Eurohpás šaddet fas ruoksadin ja dat mearkkaša ahte šaddá erremii jus lea fitnan dáppe; Hellas, Irlánda, Stuorra-Británnia, Nuortariika, ja maid Dánmárkku oaivegávpotregiovdna.
Olgoriikadeparemeanta maid váruha mátkkošteames čuovvovaš riikkaide Eurohpás: Islánda, Kroatia, Kypros, Malta, Spánia, Sveits, Tsjekkia ja olu regiovnnaide Ruoŧas ja Dánmárkkus. Olles listtu gávnnat dáppe.
