Studeantaáiggis lea dovddus ášši ahte leat olu feasttat ja juhket olu alkohola. Dat buktá váikkuhusaid. Ođđa iskkus čájeha ahte olu nuorra ollesolbmot leat váivašuvvan iežaset alkoholageavaheami dihte.
– Mii diehtit nuorra ollesolbmot juhket dávjá ja olu alkohola, ja lea ollugat geat geavahit alkohola vai birgejit hušain ja váidudit iežaset persovnnalaš hástalusaid iežaset nuorra- ja studeantaáiggis. Dat lea suorggahahtti. Alkohola ii čoavdde makkárge hástalusaid, muhto dušše lasiha daid, dadjá Randi Hagen Eriksrud, Av-og-til organisašuvnna generálačálli.
Leat olu eanet nuorat geat váivašuvvet iežaset alkoholajuhkamis go vuorrasat olbmot. 18 proseantta 18-29 ahkejoavkkus leat váivašuvvan ahte sáhttet oažžut alkoholaváttisvuođa. Gaskamearálaččat leat dat lohku 9 proseantta álbmogis.
Loguid lea Ipsos nammasaš fitnodat iskan Av-og-til organisašuvnna ovddas.
