Maŋimuš jagi lea juohke goalmmát norgalaš juhkan alkohola unnimusat oktii vahkkui. Logut leat seamma dásis go diibmá.
34 proseantta Norgga álbmogis gaskal 16 ja 79 jagi leat juhkan alkohola unnimusat oktii vahkkui maŋimuš jagi. Diibmá vástidii 36 proseantta dan seamma.
Ollesolbmot ja vuorraset juhket dávjjit go nuorat, muhto nuorat juhket eambbo go vuos váldet alkohola. nu čájeha Statistihkalaš guovddášdoaimmahaga guorahallan man leat čađahan ovttas Álbmotdearvvašvuođainstituhtain.
Juohke njealját ges vástida ahte juhket alkohola mánnosaččat, seamma oallugat dadjet ahte juhket hárvvibut. 17 proseantta muitalit ahte eai leat oba juhkan ge alkohola maŋimuš jagi.
Dievddut juhket sihke dávjjit ja eanet go nissonolbmot. 39 proseantta dievdduin lohket ahte juhket alkohola unnimusat oktii vahkkui, nissoniid searvvis vástida 28 proseantta dan seamma.
Gálvojođu statistihkka čájeha ahte Norggas njiejai alkoholavuovdin 2022:s, ja loguid mielde dáhpáhuvvá dat seamma dán jagi. (©NTB)
