Miehtá Norgga orrot sápmelaččat ja nu ávvudit ge beaivvi girkuin miehtá Norgga.
Sámi historjját, giella, šuoŋat, leavggat ja gávttit devdet girku odne. Lassin álbmotbeaivvi doaluide, de ávvuduvvo dávjá sámi álbmotbeaivi ipmilbálvalusain sotnabeaivvi ovdal dahje maŋŋel álbmotbeaivvi.
– Sámi álbmotbeaivi lea ávvubeaivi! Lea beaivi goas mii beassat čevllohallat ja illudit buot dainna maid sápmelaččat nagodit ja olahit dálá servodagas. Dán beaivvi Norgga girkus ávvudit kultuvrra, ovdanbuktima ja oskku valljivuođa, dadjá Sámi girkoráđi jođiheaddji Sara Ellen Anne Eira preassadieđáhusas.
Čalmmustahttin girkus sáhttá ovdamearkka dihte leat ahte searvegottis levgejit sámi leavggain, koara ja mánáidlávlumat gos lávlot sámi lávlagiid, sámi leavggaid ivdnen mánáidklubbas, guossohit sámi borramuša maŋŋelgaskabeaivvi deaivvademiin, sámegiela geavaheapmi ipmilbálvalusas dahje loktet beaivválaš rasismma sámiid vuostá oidnosii nuoraiddeaivvadeamis.
Norgga girkus lea erenoamáš ovddasvástádus ovttaárvosaš girkoeallimii, sámi álbmoga várás. Fárrolaga eará buriid fámuiguin miehtá máilmmi bargá girku dainna ulbmiliin ahte loktet álgoálbmogiid árvvu, eallineavttuid ja vuoigatvuođaid.
1990:s mearridii Girkočoahkkin sierra strategiijaplána, mii ođasmahttojuvvui 2019:s. Dat deattuha ahte sámi girkoeallin lea ovttaárvosaš ja dárbbašlaš – olles girkui. Sámi girkoráđđi ásahuvvui 1993:s.
– Lihkku beivviin! Læhkoeh biejjine! Vuorbbe biejvijn! cealká girku.
