Olgoriikkadirektoráhtta (UDI) almmuhii ahte sii leat registreren 789 dorvoohcama manan vahkus.
Sotnábeaivvi, suoidnemánu 9. beaivvi, leat registreren 46 ohcama direktoráhtas. Mannan bearjadaga bohte 185 ohcama ja lávvordaga 76 dorvoohcama ukrainalaččain.
2022 rájes leat 51 123 ukrainalačča ohcan dorvvu Norggas. Sii leat 22 995 nissonolbmo, 12 400 dievddu ja 15 728 máná. Dan dieđiha NTB.
38 000 olbmo
Árabut dan jagis lea Searvadahttin- ja girjáivuođadirektoráhtta (IMDi) ávžžuhan buot Norgga suohkaniid ásaiduhttit oktiibuot 38 000 báhtareaddji dan jagis, mii lea 3 000 olbmo eanet go jagis 2022.
IMDi neahttasiiddu mielde leat Norgga suohkanat ásaiduhttan badjel 14 000 ukrainalaš báhtareaddji dán jagi vuosttaš jahkebealis.
