-Almmuhus-
-Almmuhus-
OĐĐASATMasá 900 oahppis lea sáme­giella váldo­giellan skuvllas

Masá 900 oahppis lea sáme­giella váldo­giellan skuvllas

-

-

Statistihkalaš guovddášdoaimmahat lea ovdanbuktán statistihka mas lea guorahallan guhte giella lea váldogiellan vuođđoskuvllaoahppiin Norggas. 

Statistihkalaš guovddášdoaimmahat lea geahčadan man ollu oahppiin lea iešguđet váldogiella Norgga skuvllain. Statistihkka čájeha ahte leat oktiibuot 634 674 oahppi  geat vázze mánáid- ja nuoraidskuvlla golggotmánus 2021:s. Dain lei 73 493  ođđadárogiella váldogiellan,  554 010 oahppis fas lei dárogiella váldogiellan.

Statistihkka čájeha maiddái ahte leat 878 oahppi geain lea sámegiella váldogiellan vuođđoskuvllas ja 6 293 lea eará giella váldogiellan. 

Mánáidskuvllas ferte dat váldogiella mii lea mearriduvvon dan gielddas gos skuvla lea. Nuoraidskuvllas beassá oahppi ieš válljet váldogiela, muhto dat lea hui hárve ahte oahppi vállje eará váldogiela.

-Almmuhus-