Vaikko diibmá ledje eambbo studeanttat Norgga universitehtain ja allaskuvllain, de SSB dieđuid mielde ledje unnit studeanttat geat válljejedje váldit oahpaheaddjeoahpu ja bachelora buohccidivššus.
Vaikko ledje 1300 eanet studeantta diimmá čavčča go 2022 čavčča, de ledje birrasii 2700 unnit studeantta stuorámus oahpaheaddjeoahpuin go jagi ovdal, dieđiha Statistihkalaš guovddášdoaimmahat (SSB).
Cuoŋománu juo diibmá sáhtte Ovttastuvvon sisaváldima logut čájehit ahte leat unnit vuosttaš válljenvejolašvuođa ohccit oahpaheaddjeoahpuide.
Muhto vaikko oahpaheaddjestudeanttaid lohku diibmá lei njiedjan, de lea ovdáneapmi guhkit áiggi leamaš buorre. Logijagi perspektiivvas lea lektoroahpus ja vuođđoskuvlaoahpaheaddjioahpus eanet studeanttat 2023:s go 2014:s. (©NTB)
