Nuppi kvartálas diibmá seamma kvártalii dán jagi lassánedje bargosajit hirbmadit. Dál leat 195 000 eambbo bargosajit Norggas, SSB loguid mielde.
Birrasiid čieža proseanttain lea lassánan, čájehit logut Statistalaš guovddášdoaimmahagas.
Lassáneapmi lei erenomáš allat nuoramus ahkejoavkkus. 2. kvartálas diibmá 2. kvartálii dán jagi ledje badjel 62 600 eambbo barggu vuollel 25-jahkásaččaide. Dat lea badjel 17 proseantta lassáneapmi.
– 62 600 bargolassánemiin dagahedje vuollel 25-jahkásaččat 32 proseantta lassáneamis, dadjá bargomárkan- ja bálkáossodaga seniorráđđeaddi Håvard Lien.
Son dadjá ahte idjadan- ja guossuhandoaimmat, gos gávpeberoštupmi bargofámuide lea leamašan allat maŋimuš áiggi, dagahii badjel 37 proseantta lassáneamis bargguin nuoramus ahkejoavkkus.
2. kvartálas dán jagi ledje badjel 3 miljovnna barggu Norggas.
(©NTB)
