-Almmuhus-
-Almmuhus-
-Almmuhus-
SMÁVVAOĐĐASATNorggas lea dábá­leamos bargat buvda­bargin

Norggas lea dábá­leamos bargat buvda­bargin

-

-

Norgga bivnnuheamos fidnosuorgái gullet buvdabargit. Dan maŋŋel ges lea dearvvašvuođafágabargiin ja mánáidgárde- ja astoáigeassisteanttain dábáleamos barggut.  

Birrasii 154 000 norgalačča barget buvddain, čájehit Statistihkalaš guovddášdoaimmahaga logut.

Go geahččá ollesáiggebargguid searvvis, de lea almmolaš ja priváhta surggiid áššemeannudeddjiin dábáleamos bargu. 74 000 olbmo barget áššemeannudeaddjin, ja 92 proseantta dáin leat ollesáiggevirggis. 

Buvdabargiin lea sullii 30 proseantta ollesáiggebarggus. 

Maŋimuš logi jagiid leat máŋga fidnosuorggis lassánan bargit. Earret eará leat 31 000 lassi olbmo bargagoahtán prográmmagálvo- ja applikašuvdnaovddideaddjin/analyhtárin. Seamma áigodagas leat maid muhtin fidnosurggiid unnon bargit, dat dáhpáhuvvá earret eará digitaliserema ja automatiserema geažil. (©NTB)

-Almmuhus-