Dušše guoktásis logi davvinorgalaččas lea vejolašvuohta válljet dearvvašlaččat barggus ja Norgga bargosajiin leat stuora erohusat.
Iskkadeamis, man YouGov čađahii Herbalife ovddas, vástidit 85 proseantta davvinorgalaččain ahte sii livčče sávvan eanet aktiivvalašvuođa. Muhto go lea hohpolaš árgabeaivi, de dovdet 4 olbmo 10 olbmos ahte sis ii leat šat energiija loahpageahčen bargobeaivvi.
– Ii leat várra nu dihtomielalaš, muhto lea baicce gažaldat resurssain, vai sáhttá fállat dearvvašlaš borramuša ja lihkadeami. Go investere álkes dearvvašvuođa ovddideaddji doaibmabijuide, de sáhttá buoridit olbmuid čálggu ja seammás geahpedit buozalmasjávkama, muhto fitnodagat dárbbašit veahki, dadjá Åsa Lundstrøm Herbalife Nutrition fitnodagas.
Norgalaččat geavahit stuora oasi vahkus bargui, liikká leat unnán fitnodagat mat láhčet dilálašvuođaid dasa ahte bargiid dearvvašvuohta váldojuvvo vuhtii bargoáiggis. Dasa lassin leat erohusat gaskal nissonolbmuid ja almmáiolbmuid, ja gaskal vuollegis- ja alladienasjoavkkuid.
