-Almmuhus-
SMÁVVAOĐĐASATBargguhis­vuohta lassána eanemusat davvin

Bargguhis­vuohta lassána eanemusat davvin

Journalista

-

-

NAV dieđuid mielde leat sii dušše golggotmánus registreren 1300 olbmo bargoohccin. Bargguhisvuohta lassána enemusat huksen- ja rusttetsuorggis. 

– Diimmá bargomárkandili ektui dán muttus jagi leat dan jági 8700 eanet olbmo geat leat registrerejuvvon áibbas barggu haga dahje bargoohccin, dadjá NAV direktevra Hans Chrstian Holte preassadieđu bokte. 

65 000 olbmo leat bargguheamet NAV dieđuid mielde golggotmánu loahpas. Dat leat 1300 eanet olbmo go čakčamánus. Huksen-, rusttet-, ja maiddái inšenevra- ja IKT-suorggit leat dat suorggit gos bargguhisvuohta lassána eanemusat. 

– Mii čuovvut mielde movt dat ovdána. Mis lei mannan vahkus čoahkkin ealáhusministtarin dili birra huksen- ja rusttetsuorggis, dadjá bargo- ja searvadahttinministtar Tonje Brenna (Bb) NTB:i. 

Sisafárrejeaddjit 

Bargguhisvuohta lassána maiddái sisafárrejeddjiid gaskkas. NAV lohká dat lea dan dihte go eanet ukrainalaččat registrerejit iežaset NAV:i.  

Statistihkalaš guovddášdoaimmahaga logut muitalit ahte maŋimuš jahkebealis leat olu ukrainalaččat gávdnan bargguid. Juohke viđat ukrainalaš gaskkal 20 ja 66 jagi lea barggus dál. 

Romssas ja Finnmárkkus lea eanemus

Oktiibuot leat 86 400 dieđihuvvon bargoohccin NAV:i loahpageahčen golggotmánu. Dat lea 2,9 proseantta olles bargoveagas. 

Bargguhisvuohta lassána miehtá Norgga earet go Nordlándda ja Trøndelága fylkkasuohkaniin gos lea unnimus bargguhisvuohta, 1,7 proseantta. 

Stuorimus lassáneapmi lea Romssa ja Finnmárkku fylkkasuohkanis gos 6 proseantta olbmuin leat barggu haga. 

(©NTB)

-Almmuhus-