-Almmuhus-
-Almmuhus-
CORONAVIRUSLagabui 16 000 ođđa njoammuma

Lagabui 16 000 ođđa njoammuma

-

-

Mannan jándora duođaštuvvojedje 15 987 ođđa koronanjoammuma Norggas. Njoammun lassána beaivvis beaivái ja maiddái ikte registrerejuvvui ođđa njoammunolahus. 

Eai goassege ovdal leat Norggas registrerejuvvon nu olu koronanjoammumat go mannan jándora. Dearvvašvuođaeiseválddit dieđihedje duorastat čuovganeapmái ahte vássán jándora duođaštuvvojedje 15 987 ođđa njoammuma. Dat lea 4 162 eanet njoammuma go vahkku áigi. 

Maŋimuš čieža beaivvi leat gaskamearálaččat registrerejuvvon 11 774 njoammuma beaivái, vahkku árat ges duođaštuvvojedje gaskamearálaččat 7 356 njoammuma beaivái. Dat mearkkaša ahte Norggas lassána koronanjoammun. 

Gaskavahkku ledje Norgga buohcceviesuin 240 koronabuohcci. 106 pasieantta ožžot divššu intensiivaossodagain ja 72 dáin ožžot vuoigŋanveahki. Intensiivaossodagain lassánedje mannan jándora 32 buohcci, čájehit Dearvvašvuođadirektoráhta logut. 

Dássážii lea 554 778 norgalaččas leamaš koronavirus, dieđiha Álbmotdearvvašvuođainstituhtta. Njukčamánu 2020 rájes leat Norggas jápmán 1412 koronabuohcci. (©NTB). 

-Almmuhus-