Dearvvašvuođadirektevra jáhkká ahte Norggas sáhttá oanedit isolašuvdnaáiggi guvttiin beivviin fargga.
Olbmot geain duođaštuvvo koronavirus gártet guđabeaivásaš isolašuvdnii. Dearvvašvuođadirektevra Bjørn Guldvog dadjá ahte dat sáhttá oatnut njealji beaivái.
– Mii árvvoštallat isolašuvdnaáiggi dađistaga ja fargga sáhttet njuolggadusat isolašuvnna ektui rievdat, dadjá dearvvašvuođadirektevra P4 radiokanálii.
Danmárkkus loahpahit isolašuvnna njeallje beaivvi maŋŋel jus olbmuin eai leat koronavirusa dávdamearkkat. Danmárku lea maid mearridan heaittihit buot njoammuneastadandoaimmaid guovvamánu 1. beaivvi. Dearvvašvuođadirektoráhtta oaivvilda ahte Norggas juollu ložžet koronaráddjehusaid, muhto ahte lea menddo árrat rahpat olles servodaga. Jus buot njoammuneastadandoaimmaid heaittihit, de ballet ahte menddo olu olbmot buohccindieđihuvvojit oktanaga. Guldvog jáhkká ahte lea buoret oanidit isolašuvdnaáiggi.
– Jus oanida isolašuvdnaáiggi, de unnu buozalmasvuođajávkan. Seammás sáhttá koronavirus njoammut eanet olbmuide jus olbmot geain lea korona eai leat isolašuvnnas. Das ferte árvvoštallat maid gánniha dahkat isolašuvdnanjuolggadusaid ektui, lohká son. (©NTB)
