– Ođđa borasdávdalogut leat buorit ođđasat, dadjá dearvvašvuođadirektevra Bjørn Guldvog.
93 proseanta sis geat 2022:s ožžo čižžeborašdávda diagnosa, leat ain eallime viđa jagi geahčen, čájehit Dearvvašvuođadirektoráhta ođđa logut.
Dat oassi sis geat cevzet bahtačoalleborasdávdda, lea maid lassánan, 74 proseanta nissonolbmuin ja 73 proseanta dievdoolbmuin cevzet, čuožžu Dearvvašvuođadirektoráhta preassadieđáhusas.
Geahpesborasdávddain gal lea váddásit birget. Dušše 34 proseanta nissonolbmuin ja 26 proseanta dievdoolbmuin cevzet dan borasdávdda, muhto goappaš sohkabealit leaba goitge bajábealde mihtu, mii lea 25 proseanta.
– Lea stabilitehta dain loguin geat cevzet allariskkat ovdaráksáborasdávdda ja gassačoalleborasdávdda. Dát leat buorit ođđasat, dadjá dearvvašvuođadirektevra Bjørn Guldvog. (©NTB)
