Romssa ja Finnmárkku fylkkamánni dieđiha ahte ii rahppo guovžža liseansabivdu dán jagi.
Romssa ja Finnmárkku fylkkamánni dieđiha ahte Birasdirektoráhtta lea mearridan ahte ii rahppo liseansabivdu guovžža bivdit guđat, čihččet ja gávccát guovllus dán jagi.
Guđat guovlu lea Trøndelága ja Møre ja Romsdal, čihččet guovlu lea Nordlánda ja gávccát guovlu lea Romsa ja Finnmárku.
Ii vuođđu geahpedit guovžanáli
Duogáš mearrádussii lea go guovžanálli ii leat velá juksan mearriduvvon guovžanállelogu dáid boraspireguovlluin ja ahte ii leat makkár nállelogu vuođđu geahpedit guovžanáli dahje muddet guovžanáli viidudeami.
Sáhttet árvvoštallat bivddu
Leat geahppánan čujuhuvvon guovžavahágat ja beaktilis vaháteastadanbivdu vuoruhuvvon guođohanguovlluin dán áigodagas.
Birasdirektoráhtta dieđiha muđuid jus šaddá fáhkka vahátdilli maid guovža lea dahkan, de sáhttet árvvoštallat vaháteastadanbivddu dan guovžža vahágiid njuolggadusaid ektui.
