Borgemánu 21. beaivvi álggii guovžabivdu Ruoŧas. Ruoŧa davimus guovlluin lea lohpi báhčit oktiibuot 70 guovžža.
Ruoŧa davimus guovllus, Norrbottenis, lea lohpi báhčit oktiibuot 70 guovžža dán jagáš guovžabivddus. Giđđat leat maiddái báhccon 53 guovžža liseansasuodjalusbivddus. Dat dagaha ahte oktiibuot 123 guovžža galget báhččot Norrbottenis dán jagi. Lea lea alimus lohku máŋgga jahkái, dieđiha Norrbottena leanastivra.
Oktiibuot lea juolluduvvon lohpi báhčit 649 guovžža čieža leanas, Värmlánddas gitta Norrbottenii, dán jagáš guovžabivddus.
Leanastivrras lea ulbmil ahte Ruoŧa guovžalohku galgá njiedjat unnidan dihte boazodolau vahágiid. Bivdu bistá gitta golggotmánu 15. beaivái.
