Gávccát guovllu Boraspirelávdegoddi lea fas rahpan geatkeliseansabivddu. Mearrádus guoddaluvvui ja liseansabivdu bissehuvvui dassážii go ášši lei loahpalaččat mearriduvvon. Ášši lea dál čielggas ja geatkeliseansabivdu lea fas álgán.
Biras- ja dálkkádatdepartemeanta bisuha geatkeeari. Lea lohpi goddit 45 geatkki. Departemeanta celkkii mearrádusas ahte getkkiid njiŋŋelasearri A-guovllus lea biddjon viđa geatkái Finnmárkkus ja viđa Romssas, ja dat fátmmasta maid ovttasbargoguovllu Nordlánddas. Guoddalanmearrádusas geahpeduvvui oppalaš earri guđa njiŋŋelas geatkái geatkehálddašanguovllus, dieđiha Romssa ja Finnmárkku stáhtahálddašeaddji.
Ledje Aktivt Rovdyrvern ja NOAH for dyrs rettigheter searvvit mat ledje 10.07.22 ja 15.07.22 guoddalan Romssa ja Finnmárkku Boraspirelávdegotti 28.06.2022 mearrádusa departementii.
Dálkkádat- ja birasdepartemeanta bisuha Boraspirelávdegotti mearrádusa geahpedit getkkiid logu 45 getkkiin gávccát boraspireguovllus ja ovttasbargoguovllus Nordlánddas. Departemeanta geahpeda njiŋŋelaselliid loguid dán guovllus go sáhttá šaddat váttis olahit geatkenáli mihttomeari. Departemeanta lea gávnnahan ahte mearriduvvon earri ii áitte geatkenáli birgema ja ahte eai gávdno eará dohkálaš čovdosat go getkkiid liseansabivdu.
