-Almmuhus-
-Almmuhus-
SMÁVVAOĐĐASAT17 guovžža báhččon davimus Ruoŧas

17 guovžža báhččon davimus Ruoŧas

-

-

Dál lea guovžabivdu Norrbottena leanas davimus Ruoŧas álgán.

Dán rádjái leat oktiibuot 17 guovžža dál báhččon, dieđiha Norrbottena leanastivra. Oktiibuot lea liseansalohpi báhčit 55 guovza Norrbottenis.  Dálvvi suodjalusbivddus báhččojedje 56 guovžža leanas, mii lea 17 proseantta olles nális. Leanastivra dieđiha ahte guovžžat leat lassánan ja danin lea lohpi báhčit eanet dán čavčča bivddus. 

– Ulbmil bivdduin lea ahte unnidit guovžžaid leanas struktuvrralaččat. Galget 500 guovzza leanas ja nu mii sáhttit unnidit boazodoalu vahágiid dohkálaš dássái. Dálvvi suodjalusbivdu čájeha ahte leat olu váttisvuođat guovžžain, dadjá Leanastivrra  Anna Danell Savola preassadieđáhusas. 

Johkamohki, Árvvesjávrri ja Árjjatluovi guovllus leat báhččon čieža guovžža ja dan guovllus lea vel liseansalohpi báhčit 13.

Bihtáma guovllus leat báhčan eanemusat ovcci guovžža dán rádjái. Doppe lea lohpi báhčit 20. Liseansabivdinlohpi bistá gitta golggotmánu 15. beaivái. 

-Almmuhus-