Suoidnemánus vuodjigoahtá Hurtigruten buot čiežain fantasiin Bergena ja Girkonjárgga gaskka.
– Mis lea buorre jáhkku geassái, dadjá Hurtigruten Norge beaivválaš jođiheaddji Hedda Felin preassadieđáuhusas ja čujuhit dasa go eambbosat leat diŋgon mátkkiid sis nuppi jahkebeali 2021.
Sii oidnet stuora vejolašvuohtan oažžut eanet mátkkošteddjiid go fargga juohkigohtet Eurohpá boahkutpássaid. Daid pássaid geažil dat diŋgojit ge eambbosat mátkkiid, čállet. sii.
Ođđajagi rájes leat vuodján viđain skiippain Bergena ja Girkonjárgga gaskka bisuhan dihte gálvofievrredeami ja báikkálaš mátkkošteami. Dat guokte skiippa MS Nordlys lea fas Bergenis suoidnemánu njealját beaivvi ja MS Nord-Norge lea fas jođus suoidnemánu 10. beaivvi.
– Vi váldit buot permitterejuvvon bargiid fas ruovttoluotta fatnasiidda. Seammás virgádit eambbosiid vai leat gergosat sihkkarit viiddidit fas doaimma, dadjá Felin.
Hurtigruten dieđihii mannan vahkkus ahte sii leat massán 56 miljovnna euro ovdal vearu dahje 540 miljovnna ruvnno vuosttaš golmma mánus dán jagi.
(©NTB)
