Huksenealáhusa riikkasearvi ja Fellesforbundet nammasaš fágalihttu dieđihit sii ovttasbargat mo buoremusat sáhttet eastadit covid-19 dávdda leavvama vai sáhttet doalahit huksenbargguid jođus.
Byggenæringens Landsforening (BNL) (Huksenealáhusa riikkasearvi) ja Fellesforbundet, mii lea Norgga stuorámus fágalihttu, dieđihit preassadieđáhusas ahte sii váldet njoammudávdda eastadeami duođalaččat. – Mii leat dál hirbmat gáibideaddji pandemiijadilis. Mii atnit árvvus ahte huksenealáhus ferte vuoruhit njoammudávdda suddjema. BNL ja Fellesforbundet leat dál ovttasbargamin mo mii buoremusat sáhttit dan čoavdit. Covid-19 dávda lea njoammumin ja olgoriikabargiid gaskkas váldit mii duođalaččat. Eat sáhte čiehkat ahte buot gáržžideamit leat gáibideaddjit, lohká BNL hálddahusdirektevra Jon Sandnes.
BNL ja Fellesforbundet leat dál geahččamin mo sáhttet sii buoremusat huksenealáhusa doalahit jođus.
– Mii leat jorgaleamen juohke geađggi. Mii leat maid ođasmahttimin njoammudávdda eastadanbagadalliid ja min advokáhtat vástidit dađistaga miellahtufitnodagaid gažaldagaid, joatká Sandnes.
Olu fitnodagat leat bargagoahtán iešguđet doaimmaiguin go rievdadusat dieđihuvvojit. BNL ja Fellesforbundet leat earret eará maid geahččamin gaskaboddosaš bargoáiggiortnegiid.
– Huksenealáhusa fitnodagat leat dan rájes go rohttudávdda álggii, váldán ovddasvástádusa hehttet dávddaleavvama vai bargu ain doaibmá. Jus mii galgat nagodit čuovvulit buot njoammudávdda eastadannjuolggadusaid, de dárbbašat mii diehtit dan ovddalgihtii ráđđehusas, lohka Jon Sandnes loahpas.
