Gonagas Harald lea čálihuvvon olggos Riikkahospitálas buohcceviesus maŋŋel go lei ožžon infekšuvnna mannan vahkkoloahpa.
– Gonagas lea buori vuoimmis, čállá Norgga Gonagasviessu mánnodaga. Duorastaga son sisačálihuvvui Riikkahospitálii gos gávnnahedje ahte son lea ožžon infekšuvnna rupmašii maid fertejedje dikšut antibiotihkain. Son lea danne leamaš buohcceviesus mannan vahkkoloahpa.
Boahtte čuokkis Gonagasa almmolaš kaleandaris lea stáhtaráđđi šloahtas borgemánus 12. beaivvi. Mannan vahkkus lei Gonagas borjjasteame máilmmemeašttirgilvvus mas su veahka Siras bođii logádin. Gonagas Harald lea 85 jagi boaris ja sus lea diibmá čuohpaduvvon čibbi. Dat operašuvdna manai bures, ja lea dan rájes leamaš buori vuoimmis šloahta dieđuid mielde.
(NTB)
