– Dat lea mannan bures odne, dadjá Ruvdnaprinsa Haakon Gonagasa pacemaker-operašuvnna birra.
– Čuohpadeapmi lihkostuvai, ja Gonagasas lea buorre dilli. Gonagas lea buohcciviesus moadde beaivvi vel, čállá Šloahtta preassadieđáhusas.
Gonagas buohccái infekšuvnnain guovvamánu 27. beaivvi go lei luomus Malaysias ja fertii buohccivissui doppe. Son oaččui gaskaboddosaš pacemakera dan botta go lei doppe.
Son bođii ruoktot girdiin njukčamánu vuosttaš vahkkoloahpa ja sisačálihuvvui Rikshospitálii Osloi. Gonagas lea buohccidieđihuvvon guokte vahku.
