Hámmárfeastta buohcceviesus lassána njoammunlohku. Golmmas leat sisačálihuvvon.
Hámmárfeastta buohcceviesus lea golmma sisačálihuvvon pasieanttas duođaštuvvon covid-19. 89 bargi fas leat biddjon erremii, čállá Finnmárkku buohcceviessu Twitteris.
Olles 17 olbmos lea dál duođaštuvvon koronadávda Hámmárfeasttas.
Pasieanttaide njommon
Sihke sotnabeaivvi eahkeda ja otne, vuossárgga iđida, leat fas duođaštuvvon koronanjoammumat Hámmárfeasttas. Dán vuoru lea sáhka golmma pasieanttas, geat leat sisačálihuvvon buohccevissui. Dán golbmasis lea njuolggooktavuohta leamaš bargiin geas lea korona. Okta dain lea álbmotregistrerejuvvon Porsáŋggu gildii.
Loga maid: Buohcceviesus 120 bargi erremis: – Dál leat hearkkes ja váttis dilis
