Jahki 2023 báhcá muitun ahte lei dat jahki goas Mátta-Norggas lei ekstrema dálki «Hans». Dat šattai divrasamos luondduroassu maid Norga goassege lea vásihan. Vássán jagis dieđihii NVE hirbmat olu dulve- ja eanauđasváruhusaid.
Norgga čázádat- ja energiijadirektoráhtta (NVE) dieđihii 124 eanauđasváruhusa ja 174 dulveváruhusa fiskes, oránša dahje rukses dásis.
– Jagi 2023 lei olu dálki, lei sihke dulvevárra ja goikkádat. Ná olu dulve- ja eanauđasváruhusaid eat leat goassege dieđihan. Dálkenuppástumit dagahedje báikkálaš dulvviid ja soavleuđđasii álgojagis, árrageasi šattai hui hástaleaddji Mátta-Norggas go lei goikkádat, ja maŋešgeasi fas časkkii ekstremadálki «Hans». Jahki loahpahuvvui bivvalis dálkkiin, lei dego atmosfearalaš johka, Vestlánddas, lohká NVE ossodathoavda Hervé Colleuille.
Logut:
124 eanauđasváruhusa: 92 beaivvi fiskes dásis, 10 oránša dásis ja 3 rukses dásis.
174 dulveváruhusa: 90 beaivvi fiskes dásis, 44 oránša dásis ja 22 rukses dásis.
Meteorologalaš instituhtta (MET) dieđihii 32 beaivvi šnjoarri arvvi geassit.
Dás sáhtát lohkat eanet: www.naturhendelser.varsom.no.
