Dán dálvvi leat gaskamearálaš temperatuvrrat leamas 1,6 gráda galbmasabbot go dábálaččat lávejit. Nu galmmas mo dán dálvvi lea leamaš, ii leat leamaš logi jahkái.
Lassin vel dasa ahte lea galmmas leamaš, de álge golggotmánus jo dálvebuollašat.
– Dát dálvi lea leamaš guhkki ja galmmas, go buollašat álge árabut go dábálaččat. Golggotmánu gaskkamuttus gitta ođđajagemánnui lea leamaš buolaš Norggas, vaikke muđui máilmmis leat lieggaolahusat leamaš, muitala dálkkádatdutki ja Norsk Klimaservicesenter jođiheaddji, Anita Verpe Dyrrdal, preassadieđáhusas.
Dán dálvvi lea maid olu muohttán. Lulli-Norggas lea muohttán 300 proseantta eambbo go dábálaččat láve. Davvi-Norggas gal baicce lea muohttán unnit go dábálaččat.
(©NTB)
